 Accueil du site picard Ch'Lanchron |
 Lire, écouter ou écrire... ...le picard ! |
 Activités de l'association Ch'Lanchron |
 Les éditions en picard de Ch'Lanchron |
 Langue picarde Littérature Les liens |
Accueil du site picard Ch'Lanchron |
Lire, écouter ou écrire... ...le picard ! |
Activités de l'association Ch'Lanchron |
Les éditions en picard de Ch'Lanchron |
Langue picarde Littérature Les liens |
| Abonnez-vous à Ch'Lanchron éch jornal picard Le trimestriel tout en picard depuis 1980 |
Cho'f foérouille |
Le rouge-gorge | |
Armel DEPOILLYParler picard de Dargnies (Vimeu, Somme) Texte tiré du recueil Canchons d'no poéyis 1970 (épuisé)- ©1970 et publié dans Ch'Lanchron nº17 (1984) Traduction littérale de Jean-Luc Vigneux | ||
|
Tcheue in trompétte, habillèe d'gris, Aveuc ses piots zius d'casseuri Et pi sin bieu plastron chitrouille, Ch'est cho'f foérouille. Din ch'bos mort, qu'al aime éplutcheu Al trouve des quérpleuses à matcheu, Din chés branques, chés hailles, al quérfouille, Cho'p pieute foérouille. In plein hivér, quante i foait frouod, Qu'oz eu l'pitchétte au bout d'ses douots, Al tape à ch'quérrieu qu'i s'imbrouille, Cho'p pieute foérouille. Pitiè pour chu paure piot moénieu, Qu'i s'tiènt leu d'un air malheureux, Donne un molé d'no ratatouille, À cho'f foérouille ! Ch'temps, quante i n'sreu pu débatchè Pi qu'éd l'hivér o srons satchès, Al dansinereu conme eune arsouille, Cho'p pieute foérouille. A s'in ireu mucheu sin nid Dsous chu viu chnaille éd no corti, Leu, ni vu ni connu j't'imbrouille, Cho'p pieute foérouille. Ch'boin temps rvénu, pèr chi, pèr leu, Al ireu din ch'bos hérlandeu, Pi a rvareu, ch'temps s'i s'cabouille Cho'p pieute foérouille. L'aprèseut i l'rapreuchreu d'nous, Quante chés abes d'éch bos i sont roux, Pi qu'no grand marrongneu i s'rouille, Cho'p pieute foérouille. Fidéle amie d'chés mouos d'hivér, Qu'éj peuche érvir un bout d'temps, coér, Paure piot moénieu, paure pieute niquedouille, Ém pieute foérouille ! |
La queue en trompette, habillée de couleur grise, Avec ses petits yeux de chauve-souris Et son beau plastron couleur citrouille C'est le rouge-gorge. Dans le bois mort, qu'il aime bien éplucher Il trouve des chenilles à manger, Dans les branches, les haies, il cafouille, Le petit rouge-gorge. Au coeur de l'hiver, quand il fait froid Qu'on a la piquette au bout des doigts, Il tape au carreau qui s'embrume, Le petit rouge-gorge. Pitié pour le pauvre petit oiseau, Qui se tient là d'un air malheureux, Donne-lui un peu de notre repas, Au rouge-gorge. Quand le ciel ne sera plus démonté, Et que nous serons sortis de l'hiver, Il dansera comme un garnement, Le petit rouge-gorge. Il ira cacher son nid Sous les vieilles solives du passage vers le verger, Là, ni vu ni connu je t'embrouille, Le petit rouge-gorge. Le printemps revenu, par ci, par là, Il ira se promener dans le bois, Et il reviendra si le temps se fait menaçant, Le petit rouge-gorge. L'automne le raprochera de nous, Quand les arbres du bois sont roux, Et quand notre grand marronier se rouille, Le petit rouge-gorge. Fidèle ami des mois d'hiver, Que je puisse encore revoir pour un bon moment, Pauvre petit oiseau, pauvre petit écervelé, Mon petit rouge-gorge. | |