 Accueil du site picard Ch'Lanchron |
 Lire, écouter ou écrire... ...le picard ! |
 Activités de l'association Ch'Lanchron |
 Les éditions en picard de Ch'Lanchron |
 Langue picarde Littérature Les liens |
Accueil du site picard Ch'Lanchron |
Lire, écouter ou écrire... ...le picard ! |
Activités de l'association Ch'Lanchron |
Les éditions en picard de Ch'Lanchron |
Langue picarde Littérature Les liens |
| Abonnez-vous à Ch'Lanchron éch jornal picard Le trimestriel tout en picard depuis 1980 |
|
Premier prix de la biennale de Tournai - 1996 Publié dans Ch'Lanchron n°63 ©1996 Pour écouter le texte, cliquez ici. | ||
|
J'n'ai point deurmi, l'nuit chi J'n'ai point freumè un ziu, tu sais, j'étoais tout seu, au fond d'min lit J'én t'ai point attindu non pu, piqu'éj savoais qu'tu n'varoais point. A n'm'o don point seurprins J'm'ai anichè din chés lincheus, pi j'ai reuvè tout heut, à zius ouvérts, din ch'noér J'ai pinsè, j'm'ai malottè Éj noz ai vu, ti pi mi, touté deux au long d'chés rues, din chés cmins creux O no tnoéme pér la main, pour innhui, pour édmain O juéme, o nin rioéme, éj t'ainme J'ai rbéyè chés énèes qu'i glinchront din nos doéts, pour user no santè J'ai comptè tous chés moés qu'i port't no scret J'ai rpassè tous chés jours qu'i ward'té noz anmour Dsous mes doéts j'ai sintu l'pieu d'ét panche tindue Apreu, j'ai trachè des tchots noms, j'ai yeu d'quoè m'otchuper à détrier chés fius pi chés filles Éj m'ai foait ène tchote liste, et pi j'ai oubliè toute Oz ons maginè gramint d'jux Deux éfants din la vie Qu'i fzoait't à ti, à mi T'es t-un molé fou, qu'éj m'ai dit Ch'étoait l'son d'ét voé qu'il a vnu dviser au creu d'émn eurélle Éj t'ai intindue, t'étoais lo, din m'nuit blanque et pi claire Blanqué nuit, din ch'noér Durant ch'temps lo, ti tu dormoais pour du vrai Éj t'ai vue dsous t'catelongne, inroulèe din ène plote éd caleur Alors j'ai soufflè, du bout d'mes lipes, éd l'air coeude éq j'ai prinse din m'poétrinne pour qu'al viènche ét porter ène flate éd doucheur J'ai yeu des niflèes d'tin corps. T'étoais lo, fort. Fort Din ch'creu d'étn épeule à tin co tu m'os cowatè bièn au coeud T'os bérchè min somé à bleuse vues Chés heures i sont longues, éch temps il est court J'ai démélè tes gveux, un pèr chi, l'eute pèr lo.. A n'est mie méchant des gveux blancs. Jé nn'ai djo, tu nn'éros biétot J'ai rli tous tes léttes Pi au bout, j't'ai écrit chés deux troés mots, conme i vnoait't in écho du fond d'ém téte É-zzés vlo J'ai intindu ène porte qu'al wignoait Oz étoéme éd l'eute cotè pi tu t'avoais acrintchèe à min co Éj té portoais din mes bros J'én sais point doù qu'oz étoéme... À doù ? Pétète bièn tout simplémint à no moaison Oz ons marchè din ch'noér, soin à n'point tchèrre J'ai mordu din tes lipes à granne boutchie Donne mé un pipe, j'ai gra faim d'ti Coér, coér Ch'étoait l'nuit passèe au mitan d'min somé J'n'ai point deurmi J'croés qu'éj té ll'ai dit, Claire |
Je n'ai pas dormi, la nuit dernière Je n'ai pas fermé un oeil, tu sais, j'étais seul, au fond de mon lit Je ne t'ai pas attendue non plus, puisque je savais que tu ne viendrais pas. Ça ne m'a donc pas surpris Je me suis emmitouflé dans les draps, et j'ai rêvé à voix haute, les yeux ouverts, dans le noir J'ai pensé, j'ai parlé Je nous voyais, toi et moi, tous deux au long des rues, dans les chemins de campagne Nous nous tenions par la main, pour aujourd'hui, pour demain Nous jouions, nous rions, je t'aime J'ai regardé les années qui glisseront dans nos doigts, pour user notre santé J'ai compté tous les mois qui portent notre secret J'ai revu tous les jours qui gardent notre amour Sous mes doigts j'ai senti la peau de ton ventre tendue Ensuite, j'ai cherché des prénoms, j'ai eu de quoi m'occuper à trier les garçons et les filles Je me suis fait une petite liste, et puis j'ai oublié tout Nous avons imaginé plusieurs jeux Deux enfants dans la vie Qui faisaient à toi, à moi Tu es un peu fou, me suis-je dit C'était le son de ta voix qui est venu parler au creux de mon oreille Je t'ai entendue, tu étais là, dans ma nuit blanche et claire Nuit blanche, dans le noir Pendant ce temps, toi tu dormais pour du vrai Je t'ai vue sous ta couverture, enroulée dans une boule de chaleur Alors j'ai soufflé, du bout de mes lèvres, de l'air chaud que j'ai pris dans ma poitrine pour qu'il vienne t'apporter une caresse de douceur J'ai eu des sentiments de ton corps. Tu étais là, fort. Fort Dans le creux de ton épaule à ton cou tu m'as câliné, bien au chaud Tu as bercé mon sommeil à mirages Les heures sont longues, le temps est court J'ai coiffé tes cheveux, l'un par ci, l'autre par là.. Ce n'est pas très grave des cheveux blancs. J'en ai déjà, tu en auras bientôt J'ai relu toutes tes lettres Et à la fin, je t'ai écrit les deux trois mots, comme ils venaient en écho du fond de ma tête Les voilà J'ai entendu une porte qui grinçait Nous étions de l'autre côté et tu t'étais suspendue à mon cou Je te portais dans les bras Je ne sais pas où nous étions... Où ? Peut-être bien tout simplement chez nous Nous avons marché dans le noir, attention à ne pas tomber J'ai mordu dans tes lèvres à grande bouchée Embrasse-moi, j'ai envie de toi Encore, encore C'était la nuit dernière, au coeur de mon sommeil Je n'ai pas dormi Je crois te l'avoir dit, Claire |