 Accueil du site picard Ch'Lanchron |
 Lire, écouter ou écrire... ...le picard ! |
 Activités de l'association Ch'Lanchron |
 Les éditions en picard de Ch'Lanchron |
 Langue picarde Littérature Les liens |
Accueil du site picard Ch'Lanchron |
Lire, écouter ou écrire... ...le picard ! |
Activités de l'association Ch'Lanchron |
Les éditions en picard de Ch'Lanchron |
Langue picarde Littérature Les liens |
| Abonnez-vous à Ch'Lanchron éch jornal picard Le trimestriel tout en picard depuis 1980 |
|
|
| |
|
Parler picard de Buigny-lès-Gamaches, Somme (Vimeu) Texte publié en 1972 dans le recueil "Pur jus" (épuisé). Enregsitré en 1997 par l'auteur. Publié dans Ch'Lanchron n°57 ©1994 Pour écouter le texte, cliquez ici. Traduction littérale en français de Jean-Luc Vigneux |
À eune pieuté liue d'cho'f frontière chécoslovaque
Oz étouéme, in Eutriche, condamnès à torneu, Pour chonq énèes d'afile, autour éd nos baraques, Conme des bétes in pature sans hérbe à rumineu. Din chés piéches à l'intour, j'érbéyouos leus luzérnes Et pi leus blès minabes in terrain mérlonneux. Qué plaisi d'vir él vint déhanseu leus lantérnes, Eune forte orage fairtchir pi noéyeu leus houvieus ! Un coup, ch'étouot in quarante-deux, à moins d'vingt métes Éd leu sale mirador aveuc ses tchiens maouais, J'ai vu, din l'bleu du temps, monteu eune alouétte. J'én l'attindouos point leu, mais n'l'oblierai janmoais. Al sifflouot in picard, étouot à s'y méprènne, Conme évnue d'no poéyi, pour nous, diréctémint ; A sortouot d'sin gaviot, sans qu'al euche à s'érprènne Pour érgrimpeu d'pu belle au bout d'un piot momint. Mi, j'n'intindouos pus qu'ÉLLE : al étouot fin heureuse, D'un bonheur, pour nous eutes, si loin houlè, grand Diu ! J'obliouos : barbelès, miradors, mitrailleuses. Pour émiu ll'acouteu, j'ai frémè mes deux zius. Mais du coup, qué concért au-dsu d'no térritoére Doù qu' j'érvoéyouos Boégny anichè dins sin gron ! Tout partout, chl'alouétte a no préchouot victoére Dpi là beus chés "Quate Abes" jusqu'à chu "Bos d'Bieumont". «Tant qu'o porons canteu, qu'al écminchouot pèr dire, Qu'i no tchittront couveu chés œus qu'oz ons pondus, Méme si a sanne alleu, pèr momints, d'pire in pire, Ami, tu peux m'in croére, i n'y éra rien d'pardu.» Al érouot peu noz éte invoéyèe d'lngletérre A n'érouot point miu foait, à un momint péré, Piot reste éd libèrtè obliè pèr la djérre, Au pieu d'un mirador aveuc ses tchiens maouais. |
À une petite lieue de la frontière tchécoslovaque,
Nous étions, en Autriche, condamnés à tourner, Pour cinq années consécutives, autour de nos baraques, Comme des bêtes au pâturage sans herbe à ruminer. Dans les champs des environs, je regardais leurs luzernes, Et leurs pauvres blés sur des terrains crayeux. Quel plaisir de voir le vent démancher les lanternes, Et un gros orage mouiller et noyer leurs javelles ! Un jour, c'était en quarante-deux, à moins de vingt mètres De leur sale mirador avec ses chiens méchants, J'ai vu, dans le bleu du ciel, monter une alouette. Je ne l'attendais pas là, mais ne l'oublierai jamais. Elle sifflait en picard, c'était à s'y tromper, Comme venue de notre pays, pour nous, directement ; Elle sortait de sa gorge, sans qu'elle doive se reprendre, Pour regrimper à nouveau au bout d'un petit instant. Moi, je n'entendais plus qu'ELLE : elle était bien heureuse, D'un bonheur, pour nous autres, si loin repoussé, grand Dieu ! J'oubliais alors : barbelés, miradors, mitrailleuses. Pour mieux l'écouter, j'ai fermés les deux yeux. Mais alors, quel concert au dessus de notre territoire Où je revoyais Buigny-lès-Gamaches blottit dans son giron ! Partout, l'alouette nous prêchait victoire, Depuis les "Quatre Arbres" là haut, jusqu'au "Bois de Beaumont". « Tant que nous pourrons chanter, qu'elle commençait par dire, Qu'ils nous laisseront couver les œufs que nous avons pondus, Même si cela semble aller, parfois, de pire en pire, Ami, tu peux me croire, i n'y aura rien de perdu.» Elle aurait pu nous être envoyée d'Angleterre, Ça n'aurait pas fait plus d'effet, à un tel moment. Petit morceau de liberté oublié par la guerre, Au pied d'un mirador avec ses chiens méchants. |
